لە ڕووسیا مەراسیمێکی تایبەت بەبۆنەی ساڵیادی جەنگی جیهانی دووەم دەکرێت

ئاڤا نیوز

 

بەبۆنەی سەرکەوتنی ڕووسیا بەسەر ئەڵمانیای نازی لە جەنگی دووەمی جیهانی، ئەمڕۆ هەینی 9-5-2025  مەراسیمێكی تایبەت لە گۆڕەپانی سوور لە مۆسکۆ کرا.

 

زانیاریی بەدەستهاتوو: لە یادی 80 ساڵەی سەرکەوتنی ڕووسیا لە جەنگی جیهانی دووەم، مۆسکۆ میوانداری نزیکەی 30 سەرۆک و سەکردەی باڵای جیهان کردووە و تیایدا مانۆڕێکی سەربازیی تایبەتی لە گۆڕەپانی سوور ئەنجامدرا، بەگوێرەی لیستی میوانەکان، 29 سەرکردەی بیانی لە ئەرمینیا، ئازەربایجان، بیلاڕووس، بەرازیل، ، چین، کوبا، میسر ، میانمار، سربیا، سلۆڤاکیا ڤەنزوێلا، ڤێتنام و سەرکردەی چەند وڵاتێکی دیکەش بەشداری ئەم مەراسیمە دەبن.

 
ئەوەی لەبارەیەوە دەگوترێت: یوری ئوشاکۆڤ، ڕاوێژکاری باڵای سیاسەتی دەرەوەی کرێملین دەڵێت،'' سەرەڕای هەڵوێستی دوژمنکارانەی ژمارەیەک وڵاتی ڕۆژئاوایی بەرامبەر بە ڕووسیا، بەڵام ئێمە زۆر سەرکەوتووانە بۆنەیەکی زۆر بەرفراوان بەڕێوەدەبەین''.

باکگراوند: جەنگی جیهانیی دووەم لە 1939 دەستیپێکرد، لە ساڵی 1945 جەنگەکە بەفەرمی کۆتاییهات