زێلێنسکی: ئامادەین بۆ دانوستانی ڕاستەوخۆ لەگەڵ ڕووسیا

ئاڤا نیوز

سەرۆکی ئۆکرانیا دووپاتیکردەوە وڵاتەکەی ئامادەیە بۆ کۆبوونەوە لەگەڵ ڕووسیا کە ئامانج لێی گفتوگۆکردنە لەسەر کۆتایهێنان بە شەر و ئاگربەست.

 

وێنە گەورەکە: سەرۆکی ڕوسیا پێشنیازی دانوستانی ڕاستەوخۆی لەگەڵ ئۆکرانیا بۆ کۆتاییهێنان بە شەرکرد ڕاگەیاندووە، کە ئامانجیان بەدیهێنانی ئاشتییەکی بەردەوامە لە هەردوو وڵات، ئۆکرایناش ڕازیبوونی خۆی بۆ ئەو پێشنیازە ڕایگەیاند.

 

لێدوانی فەرمی: ڤۆلۆدیمیر زێلێنسکی، سەرۆکی ئۆکراینا ڕایگەیاند: ئامادەیی کیێڤی دووپاتکردەوە بۆ ئەنجامدانی دانوستانەکانی ئاشتی بۆ کۆتاییهێنان بە شەڕێک کە سێ ساڵە بەردەوامە و گوتی، ئەمە نیشانەیەکی ئەرێنییە، هیچ سوودێک لەم شەر و  خوێن ڕشتنە بۆ ئۆکراینا و ڕووسیا نییە.

ئەوەی پێویستە بیزانیت: کرێملن پێشنیازی کردووە دانوستانە ڕاستەوخۆکانی لە 15ـی ئایار لە ئیستەنبووڵ ئەنجام بدەن و ئەمەش دوای ئەوە وڵاتانی ئەوروپا پێشنیازێکیان بۆ  ئاگربەستێکی بێ مەرج بۆ ڕووسیا بۆ ماوەی 30 ڕۆژ پێشکەش کردووە.