یەکەمین لووتکەی ڕووسی-عەرەبی ئەنجام دەدرێت

ئاڤا نیوز

 

بڕیارە لە کۆتایی  ئەمساڵ یەکەمین لووتکەی ڕووسی - عەربی لە مۆسکۆ بە بەشداری سەرکردەکانی وڵاتانی عەرەبی لە ڕووسیا بەڕێوەبچێت.

 

وێنە گەورەکە: ڤلادیمێر پووتین، سەرۆکی ڕووسیا بەبۆنەی بەڕێوەچوونی 34ـەمین لووتکەی عەرەبی لە بەغدا پەیامێکی ئاڕستەی عێراق کرد و هیوای سەرکەوتنی بۆ ئەو لووتەکەیە خواست و هەر لەگەڵ ئەو پەیامەدا بانگهێشتی سەرجەم سەرکردەی وڵاتانی عەرەبی کرد بۆ بەشداریکردن لە یەکەمین لتوتکەی ڕووسی - عەرەبی لە مۆسکۆ.
 

بڵاوکراوەی فەرمی: کرێملین بڵاویکردەوە، ڤلادیمێر پووتین، سەرۆکی ڕووسیا بانگهێشتی سەرکردە عەرەبییەکان و ئەمینداری گشتیی کۆمکاری عەرەبی کردووە بۆ بەشداریکردن لە یەکەمین لووتکەی ڕووسیا و عەرەبی کە بڕیارە لە 15ی ئۆکتۆبەر بەڕێوەبچێت.

 

زانیاریی زیاتر: ئامانجی لووتکەکە  بەهێزکردنی هاوکارییەکانی نێوان ڕووسیا و وڵاتانی عەرەبی و پتەوکردنی پەیوەندییەکان و دۆزینەوەی چارەسەر بۆ دەستەبەرکردنی ئاشتی و سەقامگیری لە ڕۆژهەڵاتی ناوەڕاست و باکووری ئەفریقا.

 

باکگراوند: لە مانگی نیساندا پووتین لە میانەی کۆبوونەوەی لەگەڵ هەیسەم بن تاریق، سوڵتانی عومان لە مۆسکۆ ئاشکرای کرد. لەئەمساڵدا لووتکەی ڕووسی - عەرەبی ئەنجام دەدەن.