نەتەوەیەکگرتووەکان هۆشداری لە دۆخی مرۆیی غەززە دەدات

ئاڤا نیوز

 

تادێت بارودۆخی مرۆیی کەرتی غەززە خراپتر دەبێت، بەهۆیەوە نەتەوەیەکگرتووەکان داوا دەکات ڕێگە بە چوونەژوورەوەی هاوکارییە مرۆییەکان بۆ ناو کەرتەکە  بدرێت.

 

لێدوانی فەرمی: ڤۆلکەر تورک، کۆمیسیاری باڵای مافەکانی مرۆڤی نەتەوەیەکگرتووەکان ڕایگەیاند، هێرشەکانی ئیسرائیل و ژمارەی کوژراوان لەم هەفتەیەدا لە غەززە بەشێوەیەکی بەرچاو زیادی کردووە، هێرشە چڕەکانی ئیسرائیل دۆخی مرۆیی لە ئێستاوە ترسناکتر کردووە. ڤۆڵکەر تورک داوا دەکات هەنگاوی جیهانی بۆ ڕێگریکردن لە قوربانیی زیاتر بگیرێتەبەر.

 

زانیاریی زیاتر: حەوت وڵاتی ئەوروپی داوایان لە ئیسرائیل کردووە گەمارۆی کەرتی غەززە هەڵبگیرێت و کۆتایی بە کۆمەڵکوژی غەززە بهێنێت.

 

ئێستا چی ڕوودەدات: سوپای ئیسرائیل ڕایگەیاند، ئۆپەراسیۆنێکی گەورە و بەفراوانی  نوێی سەربازی لە کەرتی غەززە دەستپێکردووە. ئەمەش دۆخەکەی زۆر ئاڵۆزتر کردووە.