ڕوونکردنەوە لەبارەی دەنگۆی گۆڕینی جۆر و بڕی بەشەخۆراكی هاووڵاتیان ناكرێت

ئاڤا نیوز

 

بەڕێوەبەرایەتیی گشتیی بازرگانیی هەرێمی كوردستان ڕەتی دەكاتەوە ئەم مانگە هیچ گۆڕانێك لە جۆر و بڕی بەشەخۆراكی هاووڵاتیانی هەرێمی كوردستان بكرێت.

 

وێنە گەورەکە: چەند ڕۆژێکە دەنگۆی گۆرانکاری لە جۆر  و بڕی بەشەخۆراکی مانگانەی هاووڵاتیان بڵاوبووەتەوە، لەمبارەیەوە بەڕێوەبەری گشتیی بازرگانیی هەرێمی كوردستان لەمبارەیەوە دڵنیایی دەدات.

 

لێدوانی فەرمی: نەوزاد شێخ كامل، بەڕێوەبەری گشتیی بازرگانیی هەرێمی كوردستان بە ئاڤا میدیای ڕاگەیاند: ئێستا لە دابەشكردنی بەشی سێیەمی بەشەخۆراكی ئەمساڵین و بۆ مانگی داهاتوو هیچ گۆڕانێك لە جۆر و بڕی بەشەخۆراك ناكرێت و هەر كەسێك سێ كیلۆ برنج و یەك لیتر زەیت، 400 گرام دۆشاو، نیو كیلۆ نیسك، 250 گرام ئارینۆك و 250 گرام نۆك و كیلۆیەك شەكری پێدەدرێت.

 

زانیاریی زیاتر: سەبارەت بە ئاردیش، تاوەكوو ئێستا چوار بەشە ئاردی ئەمساڵ دابەش كراوە و بۆ هەر كەسێك نۆ كیلۆ ئاردی پێدەدرێت، بەڕێوەبەری گشتیی بازرگانیش دڵنیایی دەدات كە جۆری ئاردەكە زۆر باشە و بۆ نان گونجاوە.