لە سلێمانی گەورەترین وێستگەی بەرهەمهێنانی كارەبا لە ڕێگەی وزەی خۆر دادەنرێت

ئاڤا نیوز

لە سلێمانی گەورەترین وێستگەی بەرهەمهێنانی كارەبا لەڕێگەی وزەی خۆر دادەنرێت. بۆ یەکەمجاریش کارەبا لە گەرمی بەرهەم دەهێنێت.

چیرۆکی سەرەکی: كارگەیەكی چیمەنتۆ دەستی کردووە بە دروستکردنی وێستگەیەکی بەرهەمهێنانی کارەبا لەڕێگەی وزەی خۆر 'سۆلار پاوەر' دەتوانێت بە بەردەوام 50 مێگاوات کارەبا بەرهەم بهێنێت، کە دەکاتە 50 هەزار کیلۆوات. مانگی داهاتووش پڕۆژەکە تەواو دەبێت.

لێدوانی فەرمی: سیروان محەممەد، گوتەبێژی بەڕێوەبەرایەتیی كارەبای سلێمانی بە ئاڤای وت: جگە لەو 50 مێگاواتە، كارگەكە بۆ یەکەمجار لەسەر ئاستی کوردستان و عێراق کارەبا لەڕێگەی گەرمییەوە بەرهەم دەهێنێت.

ئەوەی پێویستە بیزانیت: کارگەکە زۆر گەورەیە، بڕی ئەو کارەبایەی لەڕێگەی گەرمییەوە بەرهەمی دەهێنێت 15 مێگاواتە.