ئیسرائیل ڕەزامەندی بە گەیاندنی هاوکارییەکان بۆ غەززە دا

ئاڤا نیوز

حکومەتی ئیسرائیل ڕەزامەندیدا لەسەر دەستبەجێ دەستپێکردنەوەی هاوکارییە مرۆییەکان لە غەززە بەبێ ئازادکردنی بارمتەکان.

وێنە گەورەکە: دوای فشارەکانی ئەمریکا و وڵاتانی ڕۆژئاوا، بۆ گەیاندنی هاوکارییە مرۆییەکان بۆ غەززە، دواجار ئیسرائیل بڕیاری گەیاندنی هاوکارییەکانی بۆ ئەو کەرتە دەرکرد.

بڵاوکراوەی فەرمی: کەناڵ 12ـی ئیسرائیل ڕایگەیاند، کابینەی ئەمنی ئیسرائیل شەوی یەکشەممە بڕیاریدا ڕێگەبدرێت بە دەستپێکردنەوەی هاوکارییە مرۆییەکان بۆ ناو غەززە.

زانیاریی زیاتر: بنیامین نەتانیاهۆ ڕەتیکردووەتەوە دەنگدان لەسەر بڕیارە بکرێت و بڕیارەکە بەبێ ئەنجامدانی دەنگدان دراوە و بێزالیل سمۆتریچ، وەزیری دارایی و وەزیرەکانی دیکەی ئیسرائیل دژی ئەو هەنگاوە بوون.

لێدوانی فەرمی: دوو بەرپرسی باڵای ئیسرائیل ڕایانگەیاندووە، هاوکارییەکان لە ڕێگەی چەند ڕێکخراوێکی نێودەوڵەتییەوە دەگوازرێنەوە تا ئەوکاتەی میکانیزمی نوێی هاوکاری لە 24ـی مانگی پێنج کاری پێدەکرێت.