ترەمپ و پووتین بە تەلەفۆن قسە دەکەن

ئاڤا نیوز

هەوڵەکانی ئەمریکا بۆ کۆتاییهێنان بە شەڕی سێ ساڵەی نێوان ڕووسیا و ئۆکراینا زیاتر دەبێت بۆ ئەم مەبەستە ترەمپ لەگەڵ هاوتا ڕووسییەکەی پەیوەندییەکی تەلەفۆنی ئەنجام دەدات.

وێنە گەورەکە: هەوڵەکانی بۆ کۆتاییهێنان بە جەنگی سێ ساڵەی نێوان ڕووسیا و ئۆکراینا چرتڕبوونەتەوە ئەمریکا لەلایەک و وڵاتانی ئەوروپا لەلایەکی دیکەوە خوازیاری کۆتاییهاتنی جەنگەکەن، دواجاریش کۆبوونەوەی شاندی ڕووسیا و ئۆکراینا لە ئیستەنبووڵ کرا، کە یەکەم دانوستانی ڕاستەوخۆ بوو دوای سێ ساڵ لە جەنگ، تاوەکو ئێستا هیچ ئەنجام و پێشکەوتنێک بە ئاراستەی کۆتاییهاتنی جەنگ بەدی نەهاتووە.

زانیاریی بەدەستهاتوو: دوای بەڕێوەچوونی دانوستانی ڕاستەوخۆی ڕووسیا و ئۆکراینا، دۆناڵد ترەمپ، سەرۆکی ئەمریکا ڕایگەیاند، بە تەلەفۆن لەگەڵ ڤلادێمیر پووتین، سەرۆکی ڕووسیا قسە دەکات، ئەمڕۆ دووشەممە بڕیارە پەیوەندییەکە ئەنجام بدرێت.

قووڵتر: ترەمپ جەختی لەوەکردووتەوە، بەبێ کۆبوونەوەی من و پووتین چاوەڕوانی هیچ بڕیارێکی یەکلاکەرەوە بۆ ڕاگرتنی جەنگ مەبن.

ئەوەی لەبارەیەوە دەگوترێت: فریدریش مێرز، ڕاوێژکاری ئەڵمانیا ڕایگەیاند، هەوڵدەدین پێش ئەوەی ترەمپ و پووتین قسە بکەن، ئێمە لەگەڵ سەرکردەکانی بەریتانیا، فەرەنسا و پۆڵەندا، لەگەڵ پووتین قسە بکەین.