مەسرور بارزانی: قۆناغێکی نوێ لە پەیوەندییەکانی نێوان کوردستان و ئەمریکا دەستپێدەکات

ئاڤا نیوز

 

سەرۆکوەزیران مەسرور بارزانی، لە واشنتن سەرپەرشتی دوو ڕێککەوتننامەی گرنگی کرد لە بواری وزەی هەرێمی کوردستاندا کە کاریگەری لەسەر بووژانەوەی ئابووری و ڕەخساندنی هەلی کار دەبێت.

 

وێنەگەورەکە: ڕۆژی دووشەممە، 19-5-2025، کۆمپانیای ئێچ کەی ئێن ئێنێرژی و گرووپی ئۆنێکس ڕێککەوتنێکیان لەگەڵ حکومەتی هەڕێمی کوردستان واژۆکرد بۆ گەشەپێدان بە کێڵگەی غازی میران بە هاوبەشی لەگەڵ کۆمپانیای میران ئێنێرجی.

 

لێدوانی فەرمی: مەسرور بارزانی، سەرۆکوەزیرانی هەرێمی کوردستان لە تۆڕی کۆمەڵایەتی ئێکس ڕایگەیاند: ''قۆناغێکی نوێی پەیوەندییەکانی نێوان کوردستان و ئەمەریکا دەست پێدەکات بە واژووکردنی دوو ڕێککەوتننامەی گرنگ لەگەڵ HKN Energy و WesternZagros Resources کە بەهایان دەیان ملیار دۆلارە و کارەبا بۆ ملیۆنان کەس دابین دەکات و هەلی کار دەڕەخسێنێت و ئابووری کوردستان بەهێزتر دەکات.''

 

ئەوەی پێویستە بیزانیت: کۆمپانیای نەوتی ئەمەریکی ئێچ کەی ئێن ئینێرجی لە کێڵگەی گازی میران لە بازیان و وێستێرن زاگرۆس لە  بلۆکی هاوبەشی کێڵگەی تۆپخانە-کوردمیر لە گەرمیان دەست بەکارکردن دەکەن و بەهای ڕێککەوتنەکە 110 ملیار دۆلارە و پرۆژەکان بە چەند قۆناغێک جێبەجێدەکرێن.