مەسرور بارزانی بەشداری كۆڕبەندی 'داهاتووی وزە لە هەرێمی كوردستان' دەکات

ئاڤا نیوز

سەرۆكی حكومەتی هەرێمی كوردستان لە واشنتن بەشداریی گفتوگۆیەكی تایبەتی كۆڕبەندی وزە دەكات، بە ناونیشانی داهاتووی وزە لە هەرێمی كوردستان.

چیرۆكی سەرەكی: دامەزراوەی نێودەوڵەتیی ئەلمۆنیتەر، كۆڕبەندی وزە بە میوانداری سەرۆكوەزیران مەسرور بارزانی، ڕێكدەخات، هەریەك لە وەزیری وزەی ئەمریكا و ژمارەیەكی زۆر لە شارەزایان و پسپۆڕانی بواری وزە و توێژەر، لێكۆڵەر و دیپلۆماتكاران، تێیدا بەشدار دەبن.

ڕاگەیێنراوی فەرمی: سبەی پێنجشەممە 22ـی ئایاری 2025، مەسرور بارزانی، سەرۆكی حكومەتی هەرێمی كوردستان، بەشداریی گفتوگۆیەكی تایبەتی كۆڕبەندی وزە دەكات بە ناونیشانی "داهاتووی وزە لە هەرێمی کوردستان"، كە تێیدا ڕوانین و دیدگای هەرێمی كوردستان بۆ پەرەپێدانی كەرتی وزە دەخاتەڕوو، هاوكات تیشك دەخاتە سەر دەرفەتەكانی وەبەرهێنان لەم كەرتەدا.