نەتانیاهۆ دوای کوژرانی دوو کارمەندی باڵیۆزخانەی وڵاتەکەی لە واشنتن: شۆک بووم

ئاڤا نیوز

 

شەوی ڕابردوو دوو کارمەندی باڵیۆزخانەی ئیسرائیل لە نزیک مۆزەخانەی جووەکان لە واشنتن بە دەستڕێژی گولـلە کوژران. سەرۆکوەزیرانی ئیسرائیلیش لەبارەی ڕووداوەکەوە دەڵێت، "شۆک بووم".

 

وێنە گەورەکە: شەوی چوارشەممە، 21-5-2025، لە نزیک مۆزەخانەی جووەکان لە واشنتن دی سی دوو کارمەندی باڵیۆزخانەی ئیسرائیل کوژران، چەند خولەکێک دوای ڕووداوەکە تەقەکەرەکە دەستگیرکرا. ڕووداوەکە کاردانەوەی بەدوای خۆیدا هێنا.

 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند: شۆک بووم بەو هێرشەی واشنتن کە دوو کارمەندی باڵیۆزخانەکەمان تێیدا کوژران. گوتیشی، لە سەرانسەری جیهاندا ئاسایشی باڵیۆزخانەکانمان بەهێزتر دەکەین.

 

لەلایەکی دیکەوە: ئیسحاق هرتسوگ، سەرۆکی ئیسرائیل ڕاگەیاند: تیرۆر و ڕق و کینە تێکمانناشکێنێت.

 

زانیاریی زیاتر: مارکۆ ڕوبیۆ، وەزیری دەرەوەی ئەمەریکا هەر سەبارەت بە هێرشەکە ڕایگەیاند "دەسەڵاتداران لێکۆڵینەوە لەو کەسانە دەکەن کە بەرپرسیارن لە هێرشەکەی مۆزەخانەی جووەکان لە واشنتن، کە بووە هۆی کوژرانی دوو کارمەندی باڵیۆزخانەی ئیسرائیل.

 

پێدراوە راستەکان: لە دوای دەستپێکردنی هێرشەکانی ئیسرائیل بۆ سەر کەرتی غەززە لە ساڵی 2024ـەوە، هێرشی دژەجوو لە سەرانسەری جیهان ڕووی لە زیادبوون کردووە.