لە دهۆک هەڵمەتی دەستبەسەرداگرتنی ئۆتۆمبێلی بێ سەرەتا و ژمارە ئەوروپی دەستیپێکردووە

ئاڤا نیوز

لە دهۆک هەڵمەتی دەستبەسەرداگرتنی ئۆتۆمبێلی بێ سەرەتا و ژمارە ئەوروپی دەستیپێکردووە،  ڕێگەش نادرێت کڕین و فرۆشتنیان پێوە بکرێت.

چیرۆکی سەرەکی: لە سنووری دهۆک هەر کەسێک ئۆتۆمبێلی بێ سەرەتای هەبێت دەستی بەسەردادەگیرێت و ئەوانەشی تابلۆیان ئەوروپییە. دەبێت بەڵێننامە پڕ بکاتەوە لەماوەی 10 رۆژا ئۆتۆمبێلەکەی بباتە دەرەوەی کوردستان.

لێدوانی فەرمی: خاوەنی ئەو جۆرە ئۆتۆمبێلانە شۆک بوون بە بڕیارەکەو دەڵێن، لەناکاو بووەو داوا دەکەن ماوەیەکیان پێبدرێت تا مشوری خۆیان بخۆن و چارەسەری ئۆتۆمبێلەکانیان بکەن.

ژمارەکان وا دەڵێن: بە پێی زانیارییەکانی ئاڤا،  لە سنووری دهۆک زیاتر لە 25 هەزار ئۆتۆمبێلی لەو جۆرانە هەیە.

بۆچوونی لایەنی بەرامبەر: وەزارەتی ناوخۆی کوردستان دەڵێت، دەستمان نەگرتووە بەسەر هیچ ئۆتۆمبێلێک، تەنیا داوامان ئەوەیە ئەوانەی لەئەوروپا بوون و ئۆتۆمبێلی خۆیان لە ئەوروپاوە هێناوەتەوە بۆ ئێرە، بیبەنەوە بۆ ئەوروپا.