سامەڕائی بۆ حەلبووسی: سەرۆکایەتیی پەرلەمان بە سەرۆکایەتیی کۆمار ناگۆڕینەوە

ئاڤا نیوز

لایەنێکی دیاری پێکهاتەی سوننە مەزهەب وەڵامی حەلبووسی دەداتەوە و دەڵێت:" سەرۆکایەتیی پەرلەمان بە سەرۆکایەتیی کۆمار ناگۆڕینەوە".

 

چیرۆکی سەرەکی: محەممەد حەلبووسی، سەرۆکی پێشووی پەرلەمانی عێراق و سەرۆکی پارتی تەقەدووم لەنوێترین دەرکەوتنیدا ئاشکرایکرد، لە هەڵبژاردنی داهاتووی عێراق دەنگ و کورسیمان زیاد دەکات، بەئەگەرێکی زۆرەوە پلەی یەکەمی سوننەکان بەدەستدەهێنین، بەمەش پۆستی سەرۆککۆمار یاخود پۆستی سەرۆکی پەرلەمان وەردەگرم. 

 

لێدوانی فەرمی: موسەننا سامەڕائی، سەرۆکی هاوپەیمانی عەزم، لەچاوپێکەوتنێکی تەلەفزیۆنیدا وەڵامی حەلبووسی دەداتەوە و دەڵێت:" سەرۆکایەتیی پەرلەمان بە سەرۆکایەتیی کۆمار ناگۆڕینەوە، بەو پێیەی سەرۆکایەتیی پەرلەمان بۆ سوننەکان گەرەنتییە.

 

زانیاریی زیاتر: سامەڕائی ئاماژەی بەوەشکرد، هیچ لایەنێکی سوننە سەرپشک نەکراوە و مافی ئەوەی نییە لەجیاتی هەموو پێکهاتەی سوننە بڕیار بدات.

ئەمەش بزانە: هاوپەیمانی عەزم، هاوپەیمانییەکی سیاسی سوننە مەزهەبە لەهەڵبژادنە پەرلەمانییەکەی ساڵی 2021 لەپارێزگاکانی ئەنبار، سەڵاحەددین، کەرکووک و نەینەوا، 14 کورسی پەرلەمانی بەدەستهێنا.