پزیشکیان دەچێتە عومان

ئاڤا نیوز 

 

بڕیارە سەرۆککۆماری ئێران سەردانی مەسقەتی پایتەختی عومان بکات و لەگەڵ بەرپرسانی باڵای ئەو وڵاتە کۆببێتەوە.

 

وێنە گەورەکە: لە کاتێکدا دانوستاندنە ئەتۆمییەکانی نێوان ئێران و ئەمریکا ڕووبەڕووی هەندێک ئاڵنگاری بووەتەوە، مەسعود پزیشکیان،  سەرۆککۆماری ئێران ڕۆژی سێشەممە 27-5-2025،  سەردانی مەسقەتی پایتەختی عومان دەکات.

 

ئەوەی پێویستە بیزانیت: هەرچەندە تاران ڕایگەیاند، ئامانجی سەردانەکەی پزیشکیان بۆ  بەهێزکردنی هاوکارییە ئابوورییەکان و پەیوەندییە دووقۆڵییەکانی نێوان هەردوو وڵاتە، بەڵام بەپێی میدیاکانی ئێران ئامانجی سەرەکی سەردانەکە بۆ تاوتوێکردنی دانوستاندنە ئەتۆمییەکانی نێوان تاران و واشنتن دەگەڕێننەوە.

 

زانیاریی زیاتر: ئەمریکا و ئێران ناکۆکن لەسەر پرسی پیتاندنی یۆرانیۆم لەلایەن تارانەوە، وەستاندنی پیتاندنی یۆرانیۆمی تاران، مەرجی سەرەکی ئەمریکایە بۆ گەیشتن بە ڕێککەوتنێک، بەڵام تاران بە هەموو شێوەیەک ڕەتیدەکاتەوە دەستبەرداری پیتاندنی یۆرانیۆم بێت.

 

قووڵتر: ئێران و ئەمریکا لە 12-4-2025ـەوە پێنج گەڕی دانوستاندنی ناڕاستەوخۆیان بە نێوەندگیریی عومان ئەنجامداوە، هەردوولا ئەنجامی دانوستاندنەکان بە ئەرێنی و بەرهەمدار وەسف دەکەن، بەڵام تاوەکو ئێستا نەگەیشتوونەتە ڕێککەوتنێکی گشتگیر.