ئەنجامی تاقیکردنەوەی زیاتر لە ملیۆنێک قوتابی بڵاوکرایەوە

ئاڤا نیوز

 

وەزارەتی پەروەردە لەڕێگەی ئەپڵیکەیشنی (ئی - هەڵسەنگاندن)، ئەنجامی تاقیکردنەوەی یەک ملیۆن و 300 هەزار قوتابی پۆلە ناکۆتاکانی قوتابخانە حکومییەکانی هەرێمی کوردستانی بڵاوکردەوە.

 

وێنە گەورەکە: ماوەی چەند ساڵێکە وەزارەتی پەروەردە زۆربەی سیستیمی بەڕێوەبردنی کارەکانی کردووە بە دیجیتاڵی، ئەپڵیکەیشنی E-Halsangandn نمرەی هەموو پۆلە ناکۆتاییەکانی تیا دادەنرێت لە پۆلی چوارەمی سەرەتایی تا 11ـی بنەڕەتی.

 

ڕاگەیێنراوی فەرمی: وەزارەتی پەروەردەی حکومەتی هەرێمی کوردستان بە فەرمی ئەنجامی یەک ملیۆن و 300 هەزار قوتابی حکومی پۆلە ناکۆتاکانی وەرزی دووەم بۆ خولی یەکەمی لەسەر ئەپڵیکەیشنی (ئی-هەڵسەنگاندن) کارا کرد.

 

ئەوەی پێویستە بیزانیت: وەزارەتی پەروەردە ڕێنوێنی ئەوە بە بەکارهێنەران دەدات نووسینی ژمارە پێویستە بە ئینگلیزی بێت بەبێ ئەوەی هیچ سپەیس و ئاماژەیەک هەبێت. چونکە لە کاتی وەرگرتنەوەی ئەنجامی پۆلی 9ـی بنەڕەتی هەندێک بەکارهێنەر ژمارەی کوردی و سپەیسیان بەکاردەهێنا، لە شوێنی پاسۆرد هێما و و ژمارەی هەڵەیان دادەنا بۆیە سیستمەکە هەژمارەکەی لۆک دەکردن.