کۆمیسیۆن بۆ گۆڕان: پێش 24ی ئەم مانگە کۆنفرانس بکەن

ئاڤا نیوز

کۆمسیۆنی سەربەخۆی هەڵبژاردنەکانی عێراق، دوایین وادە وەک بەستنی کۆنفرانسی ناوخۆیی بزووتنەوەی گۆڕان دیاریکردووە و دەبێت پێش 24ی ئەم مانگە کۆنفرانس بکەن.

 

وێنە گەورەکە: دوای ئەوەی لە کۆنفرانسی هەردوو باڵەکەی بزووتنەوەی گۆڕان [گردی زەرگەتە و گەڕەکی کوردسات] گرژی و ئاڵۆزی دروستبوو، کۆمیسیۆن کارەکانی کۆنفرانسی هەڵپەسارد و ئێستا وادەیەکی نوێی بۆ دیاریکردوون، بۆ ئەوەی کێشەی یاسایی بۆ بەشداریکردنی ئەو بزووتنەوەیە لە هەڵبژاردنی داهاتووی پەرلەمانی عێراق دروست نەبێت.

 

لێدوانی فەرمی: د. عیماد جەمیل. سەرۆکی تیمی ڕاگەیاندنی ئەنجوومەنی کۆمسیاران بە ئاڤای گوت، "تاوەکو ئێستا ئەنجوومەن لەسەر هیچ وادەیەک یەکلایی نەبووەتەوە، ئەوەی ڕوونە تاوەکو ئێستا دەبێت پێش 24-06-2025 کۆنفرانس بکەن."

 

باکگراوند: بەرواری 24-5-2025، كۆنفڕانسی نیشتمانیی هاوبەشی دوو ئاڕاستە جیاوازەكەی گۆڕان لە شاری سلێمانی بەڕێوەچوو، بەڵام بەهۆی گرژی و ئاڵۆزییەوە کۆنفرانس تەواو نەکرا.