ئیسرائیل تەرمی بارمتەیەکی دەگەڕێنێتەوە

ئاڤا نیوز

حکومەتی ئیسرائیل ڕایگەیاند هێزەکانیان توانیویانە تەرمی بارمتەیەک لە کەرتی غەززەوە بگەڕێننەوە.

وێنە گەورەکە: لە ئۆکتۆبەری 2023ـەوە ئیسرائیل بۆ ڕزگارکردنی بارمتەکان و گێڕانەوەی تەرمەکان هێرشی سەر کەرتی غەززەی دەست پێکرد. نزیکەی 55 هەزار فەلەستینی لەو کەرتە کوشتووە کە زۆربەیان ژن و منداڵن. لەگەڵ ئەوەشدا، هێشتا نزیکەی 55 بارمتە، کە گومان دەکرێت نیوەیان لە ژیاندا مابن، لە ژێر دەستی حەماسدان لە کەرتی غەززە.

زانیاریی زیاتر: بارمتەکە ناوی 'ناتاپۆنگ پینتا' و خەڵکی تایلەند بووە، ڕۆژی 7ـی ئۆکتۆبەری 2023 حەماس بە بارمتەی گرتبوو و دواتر لە کەرتی غەززە بە هۆکارێکی نادیار گیانی لەدەست داوە.

ڕاگەیێنراوی فەرمی: بە گوێرەی ڕاگەیێنراوێکی سوپای ئیسرائیل، ئۆپەراسیۆنی هێنانەوەی تەرمەکە لەلایەن سوپا و ئاژانسی ئاسایشی ناوخۆوە لە شاری ڕەفەح لە باشووری کەرتی غەززە ئەنجام دراوە.