سایلۆکانی دهۆک بەڕووی وەرگرتنی گەنمدا دەکرێنەوە

ئاڤا نیوز

ئەمڕۆ پرۆسەی وەرگرتنی گەنمی جووتیارانی سنووری پارێزگای دهۆک دەستپێدەکات، ئەمساڵ وەرگرتنی  پارەکە دوادەکەوێت.

 
وێنە گەورەکە: لە کۆی ئەو 400 هەزار تۆنەی بۆ پارێزگاکانی هەرێمی کوردستان دانراوە، پشکی دهۆک و زاخۆ 117 هەزار و 911 تۆنە و لەچوار سایلۆ وەردەگیرێت.

 
لێدوانی فەرمی: نازم ئەتروشی، بەڕێوەبەری بەبازاڕکردنی گەنمی دهۆک بە ئاڤای ڕاگەیاند، "ئەمڕۆ سێشەممە لە سایلۆکانی ڕۆڤیا، شێخان، فایدێ و زاخۆ پرۆسەی وەرگرتنی گەنم بۆ ساڵی 2025 دەستپێدەکات، بەڵام ئەمساڵ بەراورد بە ساڵانی ڕابردوو جووتیاران درەنگتر پارەکەی وەردەگرن، هۆکارەکەیشی بە‌غدایە کە هیچ میکانیزمێکی جێگیری دابەشکردنی پارەکە جێبەجێناکات."

 
ئەمەش بزانە: ئەمساڵ لە پارێزگاکانی عێراق گەنمی چوارچێوەی پلانی کشتوکاڵی و دەرەوەی پلانی کشتوکاڵی لە جووتیاران وەردەگیرێت، حکومەت کار لەسەر ئەوە دەکات ئەو بڕیارە جووتیارانی چوار پارێزگاکەی هەرێمی کوردستانیش بگرێتەوە.