پەیامێک لە پووتینەوە بۆ ئێران: ئامادەین نێوەندگیری بکەین بۆ ڕاگرتنی گرژییەکان

ئاڤا نیوز

 

سەرۆکی ڕووسیا ئێوارەی ئەمڕۆ لە پەیوەندییەکی تەلەفۆنیدا لەگەڵ پزیشکان، هێرشەکانی ئیسرائیلی بۆ سەر ئێران "شەرمەزار کرد" و سەرەخۆشی لە خانەوادەی کوژراوان کرد، کە زانایانی ئەتۆمی و بەرپرسانی سەربازیی ئێرانی تێدابوون. هاوکات ناوبراو هاوخەمی بۆ ئێران دەربڕی.

وێنە گەورەکە: بەرەبەیانی ڕۆژی هەینی، ئیسرائیل لە ڕێگەی 200 فرۆکەی جەنگییەوە هێرشێکی بەرفراوانی بۆ سەر زیاتر لە 100 پێگەی سەربازی و ئەتۆمی ئێران بە زیاتر لە 300 جۆر بۆمب ئەنجامدا.

ڕاگەیێنراوی فەرمی: کرێملین ڕایگەیاند: ڤلادێمیر پووتین ئەو کارەی ئیسرائیل بە پێشێلکردنی پەیماننامە نەتەوە یەکگرتووەکان و یاسا نێودەوڵەتییەکان سەرکۆنە دەکات، هاوکات هاوخەمی خۆی بۆ سەرکردایەتی و گەلی ئێران دەربڕی کە ژمارەیەکی زۆر قوربانی لێکەوتەوە.
پوتین دووپاتی کردەوە کە ڕووسیا بەردەوام دەبێت لە هەوڵەکانی بۆ هێورکردنەوەی گرژییەکانی نێوان ئێران و ئیسرائیل.

لەلایەکی دیکەوە: بەگوێرەی بەیاننامەیەکی نووسینگەی ڕاگەیاندنی سەرۆککۆماری ئێران، پزیشکیان بە پووتینی ڕایگەیاندووە تاران وەڵامی شیاوی هێرشەکانی ئیسرائیل دەداتەوە و دووپاتی کردەوە ئێران هەرگیز بەدوای چەکی ئەتۆمیدا نەگەڕاوە و ئامادەیە ئەمە بۆ ڕێکخراوە نێودەوڵەتییەکان بسەلمێنێت.