حووسییەکان: بە هەماهەنگی ئێران مووشەکمان ئاراستەی ئیسرائیل کرد

ئاڤا نیوز

 

گرووپی حووسییەکانی یەمەن کە هاوپەیمانی ئێرانە ڕایگەیاند، بە هەماهەنگی لەگەڵ تاران شاری یافای ناوەڕاستی ئیسرائیلیان بە چەند مووشەکێکی بالیستیکی کردووەتە ئامانج.

 

وێنە گەورەکە: ڕۆژی یەکشەممە 15-6-2025، گرووپی حووسییەکانی یەمەن کە هاوپەیامانێکی سەرەکی ئێرانە بەشداریکردنیان لە هێرشەکانی ئێران بۆ سەر ئیسرائیل ڕاگەیاند، ئەمەش لە کاتێکدایە هێرشەکانی هەردوو وڵات بۆ سەر یەکتری بەردەوامە.

 

ئەمەش بزانە: دوێنێ عەبدولمەلیک حوسی، سەرۆکی حووسییەکانی یەمەن پشتیوانی تەواوی خۆی بۆ وەڵامدانەوەی ئێران بۆ هێرشە بەرفراوانەکەی ئیسرائیل ڕاگەیاند و هەڕەشەی لە تەلئەڤیڤ کرد بە شەڕی ئاشکرا و بەردەوام، هاوکات هێرشەکانی ئیسرائیلی بە هێرشێکی ناڕەوا و هەنگاوێکی شەرانگێزی مەترسیدار دانا بەبێ ڕەچاوکردنی هیچ باردودۆخێکی ناوچەیی.

 

زانیاریی زیاتر: حووسییەکان بە ئاشکرا ڕایانگەیاندووە، تاوەکو هێرشەکانی ئیسرائیل بۆ سەر ئێران و کەرتی غەززە بەردەوام بێت، ئەوانیش بەردەوام بەرژەوەندییەکانیان بە ئامانج دەگرن.