ڕووسیا ئامادەیی بۆ نێوەندگیری نێوان ئیسرائیل و ئێران ڕاگەیاند; یەکێتیی ئەوروپاش متمانەی نییە

ئاڤا نیوز

کۆشکی کرێملن دووپاتیکردەوە، ڕووسیا ئامادەیە بۆ نێوەندگیری نێوان ئیسرائیل و تاران بکات، بەڵام یەکێتیی ئەوروپا دەڵێت متمانەی بە ڕووسیا نییە.

چیرۆکی سەرەکی: ڕۆژی دووشەممە 2025-06-16، کۆشکی کرێملن دووپاتیکردەوە، بۆ کەمکردنەوەی ئاڵۆزیی و گرژییەکان، ڕووسیا ئامادەیە نێوەندگیری نێوان ئیسرائیل و تاران بکات.

لێدوانی فەرمی: دیمیتری پیسکۆڤ، وتەبێژی کرێملن ڕایگەیاند: پێشنیازەکانی پێشووی ڕووسیا بۆ چارەسەرکردنی کێشەکانی نێوان ئێران و ئەمریکا و ئیسرائیل ماون، بەڵام دەستپێکردنی جەنگ دۆخەکەی زیاتر ئاڵۆزتر کردووە.

لەلایەکی دیکەوە: هەر دوای ئەم ڕاگەیێنراوەی کرێملن، یەکێتیی ئەوروپا ڕایگەیاند، متمانەی بە نێوەندگیری ڕووسیا  بۆ جەنگی ئیسرائیل و ئێران نییە،  چونکە نێوەندگیریەکی بێ لایەن نییە، ئەمەش دوای ئەوەی دۆناڵد ترەمپ، سەرۆکی ئەمریکا ڕایگەیاند، ڤلادیمێر پووتین هاوتا ڕووسییەکەی کراوەیە بۆ وەرگرتنی ڕۆڵێکی لەو شێوەیە.