سەرۆکوەزیران بارزانی و هەڵسوڕێنەری کۆنسوڵخانەی ئیمارات پتەوکردنی پەیوەندییەکان دووپات دەکەنەوە

ئاڤا نیوز

 

سەرۆکوەزیران مەسرور بارزانی و هەڵسوڕێنەری کۆنسوڵخانەی ئیمارات لە کوردستان کۆبوونەوە و جەختیان لە پتەوکردنی زیاتری پەیوەندیی دوولایەنە کردەوە.

 

چیرۆکی سەرەکی: ئەمڕۆ دووشەممە 16-6-2025، سەرۆکوەزیران مەسرور بارزانی، پێشوازیی لە شەیخە بەشیر فەرحان، هەڵسوڕینەری کونسوڵخانەی گشتیی ئیمارات لە هەرێمی کوردستان کرد و سەرۆکوەزیران پیرۆزبایی دەستبەکاربوونی لێ کرد، هیوای سەرکەوتنی بۆ خواست و هەموو پشتیوانییەکی حکومەتی هەرێمی کوردستانی بۆ سەرخستنی ئەرکەکەی دەربڕی.

 

ڕاگەیێنراوی فەرمی: ماڵپەڕی حکومەتی هەرێمی کوردستان بڵاویکردەوە، لە کۆبوونەوەکە سەرۆکوەزیران بارزانی ئاماژەی بە پەیوەندیی تایبەت و دۆستانەی نێوان دەوڵەتی ئیمارات و هەرێمی کوردستان کرد، سوپاس و پێزانینی کوردستانی بۆ هاریکاری و پشتیوانیی خەڵک و سەرکردایەتیی ئیمارات دووپات کردەوە.

 

لەلایەکی دیکەوە: هەڵسوڕێنەری کونسوڵخانەی گشتیی ئیمارات، سڵاو و ڕێزی سەرۆکی ئیمارات شێخ محەمەد بن زاید ئال نەهیان، جێگری سەرۆک و سەرۆکوەزیران شێخ محەممەد بن ڕاشد ئال مەکتووم بە سەرۆکوەزیران گەیاند، جەختی لە پتەوکردنی زیاتری پەیوەندیی دوولایەنە کردەوە.