کێشەی ئاوی دانیشتووانی گردجووتیار چارەسەر دەکرێت

ئاڤا نیوز

 

ماوەیەکە دانیشتووانی گەڕەکی گردجووتیار گرفتی نەبوونی ئاوی خواردنەوەیان بۆ دروستبووە، بەڕێوەبەرایەتیی ئاوی هەولێر کار لەسەر چارەسەرکردنی کێشەکەیان دەکات.

 

چیرۆکی سەرەکی: بەشێکی دانیشتووانی گەڕەکی گردجووتیار لە سنووری شارەوانییەکانی هەولێر ماوەی چەند مانگێکە کێشەی ئاوی خواردنەوەیان بەهۆی گرفتێک لە بیرەکەیان بۆ دروستبووە، دوای بەدواداچوونی ئاڤا؛ بەڕێوەبەرایەتیی ئاوی هەولێر سەرقاڵی چارەسەرکردنی کێشەکەن.

 

لێدوانی فەرمی: ڕابەر حسێن، بەڕێوەبەری ئاوی هەولێر، بە ئاڤای گوت، "تیمێکی تەکنیکیمان ناردووەتە شوێنەکە بۆ ئەوەی بەوردی کار لەسەر هۆکار و چارەسەری کێشەکە بکەن، هاوکات لە مانگی 11 پرۆژه‌ى فرياگوزاريى خێراى ئاوى هه‌ولێر دەگاتە سنوورەکە و بەتەواوەتی کێشەی ئاوی خواردنەوەیان نابێت."

 

ئەمەش بزانە: گەڕەکی گردجووتیار دەکەوێتە ڕۆژهەڵاتی باکووری شاری هەولێر، ژمارەی دانیشتووانەکەی دوو هەزار و 500 کەسن.