وەزارەتی وزەی ئیسرائیل دەنگۆی دروستبوونی قەیرانی سووتەمەنی ڕەتدەکاتەوە

ئاڤا نیوز

وەزارەتی وزەی ئیسرائیل ڕەتی دەکاتەوە هیچ قەیرانێکی سووتەمەنی بە هۆی هێرشەکانی ئێرانەوە دروست بووبێت و پێشوەختە هەموو ئامادەکارییەک بۆ دۆخی جەنگ کراوە.

وێنە گەورەکە: دوای ئەوەی میدیاکانی ئیسرائیل بڵاویان کردەوە کە  ژمارەیەک لە گەورە کۆمپانیاکانى نەوت لە ئیسـ.ـرائیل کەمکردنەوەى دابینکردنى سووتەمەنیان بە کڕیارانیان ڕاگەیاندووە و  هۆکارەکەشى بۆ ئەو زیانانە گەڕاندووەتەوە کە هێرشە ئاسمانییەکانى ئێـ.ـران بە کۆمپانیاکانى بواری وزەی گەیاندووە و بووەتە هۆى پەکخستنى پاڵاوگەى نەوت لە حەیفا.

ڕاگەیێنراوی فەرمی: وەزارەتی وزەی ئیسرائیل ئەمڕۆ سێشەممە لە بڵاوکراوەیەکی فەرمیدا ئەو دۆنگۆیانەی ڕەتکردەوە کە باس لە دروستبوونی قەیرانی سوتەمەنی دەکەن لە ئیسرائیل و ڕایگەیاند، پێشوەختە هەموو ئامادەکارییەک بۆ دۆخی جەنگ کراوە و بڕی پێویست لە سووتەمەنی لە کۆگاکاندا بوونی هەیە و هیچ مەترسی درووستبوونی قەیرانی سووتەمەنی بوونی نییە.

ئەوەی پێویستە بیزانیت: بەرەبەیانی ڕۆژی هەینی 13-6-2025، جەنگ لەنێوان ئیسرائیل و ئێران هەڵگیرسا، لەماوەی ئەو پێنج ڕۆژەدا هەردوو چەندین هێرشی ئاسمانییان کردووەتە سەر یەکتر و چەندین ناوەندیی ستراتیژییان بۆ سەر یەکتر بۆردوومان کردووە و زەرەر و زیانێکی زۆریان بە یەکتر گەیاندووە.