دووکانەکانی بازاڕی قەیسەری ڕادەستی کاسبکاران دەکرێنەوە

ئاڤانیوز

تەواوبوونی کارەکانی نۆژەنکردنەوەی بازاڕی قەیسەری ڕاگەیێنرا و دووکانە سووتاوەکانیش دوای نۆژەنکردنەوەیان ڕادەستی کاسبکاران کرانەوە.

وێنە گەورەکە: سەرۆکوەزیران مەسرور بارزانی، دوای سووتانی بازاڕی قەیسەری هەولێر، ڕاستەوخۆ سەردانی کاسبکارانی بازاڕەکەی کرد و بڕیاریدا ئەو بەشەی بازاڕی قەیسەری کە سووتابوو نۆژەن بکرێتەوە و هاوکاری زیانلێکەووتوانیش بکرێت.

لێدوانی فەرمی: ئومێد خۆشناو، پارێزگاری هەولێر لە کۆنگرەیەکی ڕۆژنامەوانیدا تەواوبوونی کارەکانی نۆژەنکردنەوەی قەیسەری ڕاگەیاند و گوتی: لەسەر فەرمانی سەرۆکوەزیران مەسرور بارزانی، ئەو بەشەی بازاڕی قەیسەری کە سووتێنرابوو نۆژەنکرایەوە، دووکانەکانیش ڕادەستی کاسبکاران کرانەوە.

- تێچووی نۆژەنکردنەوەکە شەش ملیار و 600 ملیۆن دینار بوو.

- پێشتریش بەپێی خەمڵاندنی قەبارەی زیانەکان بە بڕی دوو ملیۆن تا 20 ملیۆن هاوکاری زیانلێکەوتووان کراوە.

- کاسبکارانی زیانلێکەوتوو لە 50%ی باجی ساڵی 2024 و 100% باجی 2025 بەخشران.

- بۆ ماوەی یەک ساڵیش لە پارەی ئاو، کارەبا، تابلۆ و خاشاک بەخشران.

باکگراوند: شەوی 05-05-2024، بازاڕی قەیسەریی هەولێر سووتێنرا، بەهۆیەوە 249 دووکان سووتان.