مووشەک و درۆنی ئێران بەڕێوەن و لە چەند ناوچەیەکی ئیسرائیل زەنگی ئاگادارکردنەوە لێ دەدرێت

ئاڤا نیوز

 

درۆنی ئێرانی دەگاتە ئاسمانی تەلئەبیب و لەلایەن سیستمی بەرگریی ئاسمانییەوە دەخرێتە خوارەوە.

 

زانیاریی بەدەستهاتوو: بە گوێرەی ئەو زانیارییانەی میدیاکانی ئیسرائیل بڵاویانکردووەتەوە، ئێستا زەنگی ئاگادارکردنەوەی لە چەندین ناوچەی ئیسرائیل لێدەدرێت، هاوکات سیستمی بەرپەرچدانەوەی هێرشی مووشەکی ئیسرائیل درۆنێکی لە ئاسمانی تەلئەبیب خراوەتە خوارەوە. 

 

ڕاگەیێنراوی فەرمی: میدیاکانی ئێران بڵاویانکردووەتەوە کە سوپای پاسداران هۆشدارایی ناردووە بۆ ئەو هاووڵاتییانەی کە نیشتەجێی هۆتێلی پێنج ئەستێرەیی دەیڤد کمبینسکین لە تەلئەبیب، هەر ئێستا چۆڵی بکەن.

 

لەلایەکی دیکەوە: کەناڵ 14ـی ئیسرائیل ڕایگەیاندووە: بەرپرسانی ئیسرائیل لە ترسی مووشەکەکانی ئێران لە چەند شارێکی جیاواز نیشتەجێ کراون.