شەش ئەندامی دادگەی فیدڕاڵی دەستلەكاركێشانەوە پێشكەش دەكەن

ئاڤا نیوز

لە كۆی نۆ ئەندامی دادگەی فیدڕاڵیی عێراق بە هۆكارێكی نادیار شەش ئەندامی دادگەكە داوای لەدەستلەكاركێشانەوە پێشكەش بە سەرۆكی دادگەكە دەكەن.

لێدوانی فەرمی: یەكێك لە دادوەرە ئەندامەكانی دادگەی فیدڕاڵیی عێراق بە ئاڤا نیوزی ڕاگەیاند: ئەمڕۆ شەش ئەندامی دادگەی فیدڕاڵی كە دادوەرن، داوای دەستلەكاركێشانەوەیان پێشكەش بە سەرۆكی دادگە كردووە بەڵام تاوەكوو ئێستا پەسەند نەكراوە.

 

ئەوەی پێویستە بیزانیت: دادگەی فیدڕاڵی بە سەرۆكی دادگەكەوە لە نۆ كەس پێكدێن و چوار دادوەری دیكەش ئەندامی یەدەگن.

ئەمەش بزانە: وابڕیار بوو ئەمڕۆ دادگەی فیدڕاڵی كۆببێتەوە و ڕاوێژ و گفتوگۆ سەبارەت بە دوو بڕگە بكات كە ئەوانیش بریتین لە پرسی خۆر عەبدوڵڵا و دەركردنی فەرمانێكی سالاری سەبارەت بە خەرجكردنی مووچەی فەرمانبەرانی هەرێمی كوردستان لەلایەن بەغداوە بەڵام بە هۆی ڕێككنەكەوتن و جیاوازیی ڕای نێوان ئەندامانی دادگاكە تاوەكو ئێستا هیچ كۆبوونەوەیەكی فەرمی نەكراوە.