ئیسرائیل: ئەو مووشەکەی بێرشیبای کردە ئامانج 300 کیلۆ تەقەمەنی هەڵگرتبوو

ئاڤا نیوز

 

میدیاکانی ئیسرائیل بڵاویانکردەوە، ئەو مووشەکەی ئەمڕۆ ئێران ئاراستەی ئیسرائیلی کرد هاوشێوەی مووشەکی دوێنێی نەخۆشخانەی سۆرۆکا بوو.

 

زانیاریی بەدەستهاتوو: بەرەبەیانی ئەمڕۆ هەینی،  میدیاکانی ئیسرائیل بڵاویانکردەوە، ئێران هێرشێکی دیکەی بۆ سەر ئیسرائیل دەستپێکردەوە و زەنگی ئاگادارکردنەوە لە بەشێک لە شارەکانی ئەو وڵاتە لێدراوە.

 

ئەمەش بزانە: بە گوێرەی ئەو زانیارییەی میدیاکانی ئیسرائیل بڵاویان کردووەتەوە، ئەو مووشەکەی ئەمڕۆ بێرشیبای کردە ئامانج هاوشێوەی ئەو مووشەکەیە کە دوێنێ نەخۆشخانەی سۆرۆکای کردە ئامانج، موشەکەکە جیاواز و بەهێزترە بە بەراورد بە مووشەکەکانی دیکە و 300 کیلۆگرام تەقەمەنی هەڵگرتبوو.

 

زانیاریی زیاتر: بەهۆی هێرشەکەی ئێران لە بێرشیبا حەوت کەس برینداربوون و 30 کەسی دیکەش تووشی ترس و دڵەڕاوکێ بوون.

 

لەلایەکی دیکەوە: سوپای ئیسرائیل ڕایگەیاند: هێرشمان کردە سەر سێ مووشەکهاوێژی ئێران کە ئامادەکرابوون بۆ ئەوەی مووشەک ئاراستەی ئیسرائیل بکەن.