ئیسرائیل: سەنتەری پەرەپێدانی بەرنامەی چەکی ئەتۆمی ئێرانمان بە ئامانج گرتووە

ئاڤا نیوز

 

تا دێت جەنگی نێوان ئیسرائیل و ئێران سەختتر دەبێت و هەردوو وڵات بەردەوامن لە هێرشە ئاسمانییەکانیان بۆ سەر یەکتری، ئیسرائیل دەڵێت: سەنتەری پەرەپێدانی بەرنامەی چەکی ئەتۆمی ئێرانمان بە ئامانج گرتووە.

 

وێنە گەورەکە: ڕۆژی هەینی 20-6-2025، جەنگی نێوان ئێران وئیسرائیل پێدەنێتە هەفتەی دووەمەوە و هەردوولا چەندین بنکە و پێگەی ستراتیژی یەکتریان وێران کردووە، ئەمڕۆ سوپای ئیسرائیل هێرشی کردووەتە سەر ناوەندێکی لێکۆڵینەوە و پەرەپێدان بۆ بەرنامەی چەکی ئەتۆمی ئێران.

 

ڕاگەیێنراوی فەرمی: سوپای ئیسرائیل ڕایگەیاند: لە زنجیرەیەک هێرش بۆ ناو دڵی تاران دەیان ئامانجمان بۆردوومان کردووە، لە ناویاندا بنکەکانی بەرهەمهێنانی مووشەکی سەربازی و بارەگای داهێنان و لێکۆڵینەوەی بەرگریی، کە بەرپرسە لە لێکۆڵینەوە و پەرەپێدانی بەرنامەی چەکی ئەتۆمی ئێران.

- زیاتر کە 60 فڕۆکەی جەنگی بەشداربوون لە هێرشەکەی سەر ئێران.".