نەوت بەسەر زیانلێكەوتووانی لافاوەكەی دهۆک دابەش دەكرێت

ئاڤا نیوز

وەزارەتی سامانە سرووشتییەکانی حکوومەتی هەرێمی کوردستان، لە دهۆک نەوت بەسەر ئەو ماڵانەدا دابەش دەكات کە بەهۆی بارانەوە زیانیان بەرکەوتووە.

ئەوەی پێویستە بیزانیت: لەسەر راسپاردەی کەمال محمد ساڵح وەزیری سامانە سروشتییەکان، بۆ بەهاناوەچوونی زیانلێکەوتووانی لافاوەکەی پارێزگای دهۆک و ئیدارەی سەربەخۆی زاخۆ، لە دوای دوو کۆبونەوە لەگەل عەلی تەتەر پارێزگاری دهۆک و لایەنە پێوندیدارەکان بریار درا نەوتی سپی بەسەر زیان لێکەوتوان دابەش بکرێت.

لێدوانی فەرمی: موحسین تەها، بەرێوەبەڕی نەوت و کانزای دهۆک، بە ئاڤا نیوزی ڕاگەیاند: دەستمانکرد بە دابەشکردنی نەوت بەسەر ئەو ماڵانەی کە زیانیان بەرکەوتوە وسبەینێش بەردەوامدەبین، لە زاخۆ سێمێلیش دەست دەکرێت بە دابەشکردنی نەوت،  هەر ماڵێک کە زیانی بەرکەوتبێت یەک بەرمیل نەوت وەردەگرێت، بەبێ وەرگرتنی هیچ بڕە پارەیەک.

باکگراوند: بەهۆی لافاوەکەوەی دوێنێی دهۆک سێ کەس گیانیان لەدەستدا، 11 کەسیش برینداربوون و 120 کەسیش ڕزگارکران و بەنداوێکیش تەقیوە و 160خانوو  50 ئۆتۆمبێلیش زیانیان بەرکەوتووە.