ئەنجوومەنی باڵای ئاسایشی ئێران باس لە هێرشەکەی ئەمشەوی سەر قەتەر دەکات

ئاڤا نیوز 

 

ئەنجوومەنی باڵای ئاسایشی نەتەوەیی ئێران لە ڕاگەیێندراوێكدا، ئاشكرای دەكات كە ئەمشەو هێندەی ژمارەی بۆمبەكانی ئەمریكا كە وێستگە ئەتۆمییەكانی پێ بۆردوومان كرد، مووشەكمان ئاراستەی بنكەی سەربازیی عودەید كرد.

 

چیرۆکی سەرەکی: ئەمریکا بەرەبەیانی ڕۆژی یەکشەممە، بە حەوت فڕۆکەی بی-2، 14 مووشەکی پەناگەبڕیان بۆ لێدان لە دامەزراوەی نەتەنز، فۆردۆ و ئەسفەهان بەکارهێنا، (مووشەکی جۆری GBU57)، کە کێشی هەریەکەیان زیاتر لە 13 تۆنە. هەوکات لە ڕێگەی ژێر دەریاییشەوە 30 مووشەکی تۆماهۆک ئاراستەی چەند پێگەیەکی ستراتیژی لە ئێران کرا. 

 

وێنە گەورەکە: لە کاردانەوەی بەشداری ڕاستەخۆی واشنتن لە جەنگی نێوان ئیسرائیل و ئێران، ئێوارەی ڕۆژی دووشەمە ئێران بە ژمارەیەک مووشەکی بالیستی هێرشی کرد سەر بنکەی سەربازیی عەدیدە لە قەتەر.   

ڕاگەیێنراوی فەرمی: ئەنجوومەنی باڵای ئاسایشی نەتەوەیی ئێران ڕایگەیاند: ئەمشەو هێزەكانمان وەك كاردانەوەیەك بۆ هێرشەكانی ئەمریكا بۆ دامەزراوە ئەتۆمییەكانمان، هێرشیان كرد سەر بنكەی سەربازیی عودەیدی سوپای ئەمریكا لە وڵاتی قەتەر.

 

- ئەمریكا چەند بۆمبی ئاراستەی دامەزراوە ئەتۆمییەكانی ئێمە كرد، ئێمەش هێندە مووشەكەمان ئاراستەی بنكەی سەربازیی عودەید كرد.

 

- ئەم هێرشە هیچ مەترسییەک بۆ سەر دەوڵەتی قەتەری دۆست و هاوڕێمان دروست ناكات.