ترەمپ بۆ بەشدارییکردن لە لووتکەی ناتۆ بەرەو هۆڵەندا بەڕێدەکەوێت

ئاڤا نیوز

دۆناڵد ترەمپ بۆ بەشدارییکردن لە لووتکەی ناتۆ بەرەو هۆڵەندا بەڕێدەکەوێت و گرژییەکانی ڕۆژهەڵاتی ناوەڕاست، هاوکارییەکانی ئۆکراینا و خەرجیی بەرگری تاوتوێ دەکات.

چی ڕوودەدات: تەنیا چەند ڕۆژێک دوای دەستپێکردنی هێرشە سەربازییە ئامانجدارەکانی ئەمریکا بۆ سەر شوێنە ئەتۆمییەکانی ئێران، دواتر بە ڕاگەیاندنی ئاگربەستی نێوان ئێران و ئیسرائیل دۆناڵد ترەمپی سەرۆکی ئەمریکا ئەمڕۆ سێشەممە بە مەبەستی بەشداریکردن لە لووتکەی ناتۆ بۆ هۆڵەندا دەڕوات، بڕیار وایە یەکەمجار لەگەڵ شای هۆڵەندا کۆببێتەوە.

ئەوەی پێویستە بیزانیت: لووتکەی ناتۆ کە دوو ڕۆژ دەخایەنێت هاوپەیمانی بەرگری واژۆ لەسەر زیادکردنی خەرجییەکانی بەرگری دەکەن.

ئەوەی پێشبینی دەکرێت: لەم لووتکەیەدا پێشبینی دەکرێت پرسی ڕووسیا و ئۆکراینا تاوتوێی بکرێت، بۆ ئەم مەبەستە بڕیار وایە ڤۆلۆدیمیر زێلێنسکی، سەرۆکی ئۆکراینا ئامادەبێت.

لەلایەکی دیکەوە: چاوەڕوان دەکرێت سەرکردەکان باس لە پێشنیازی مارک ڕوتی، سکرتێری گشتی ناتۆ بکەن کەپێشنیازی کردووە هەر وڵاتێکی ئەندام بەلایەنی کەمەوە 5%ـی بەرهەمی ناوخۆیی خۆیان بەشداری لە خەرجییەکانی بەرگریدا بکەن.