هۆکاری لابردن و گەڕاندنەوەی بەڕێوەبەری فڕۆکەخانەی بەسرە ئاشکرا دەبێت

ئاڤا نیوز

دوای هەفتەیەک لە لابردنی لە سەر کارەکەی، بەڕێوەبەری فڕۆکەخانەی نێودەوڵەتی بەسرە دووبارە دەگەڕێتەوە سەر کارەکەی و دەڵێت، "سەرەتای هەفتەی داهاتوو بە فەرمی دەگەڕێمەوە و لە ئێستاوە نووسینگەکەم بۆ چۆڵ بکەن"

چیرۆکی سەرەکی: هەفتەیەک لەمەوبەر بەفەرمانی بەڕێوەبەرایەتیی فڕۆکەخانەکانی عێراق، حەسەن هادی، بەڕێوەبەری فڕۆکەخانەی نێودەوڵەتی بەسرە بەهۆی  کەمتەرخەمی  و دانانی کامێرای چاودێری بەشێوەیەکی نایاسایی لەکارەکەی دوورخرایەوە.

لێدوانی فەرمی: حەسەن هادی، بەڕێوەبەری فڕۆکەخانەی نێودەوڵەتی بەسرە، ڕایگەیاند: دوای ئەوەی سکاڵایەکی فەرمیم ئاراستەی بەڕێوەبەری بەشی کارگێڕی فڕۆکەخانەکان لە وەزارەتی گواستنەوە و گەیاندن کرد، سکاڵاکە پەسەندکراو و فەرمانی گەڕاندنەوەم بۆ دەرچوو، لە ڕۆژی یەکشەممەی داهاتووەوە دەست بەکار دەبمەوە.

لەلایەکی دیکەوە: سەرچاوەیەک لەفڕۆکەخانەی بەسرە بەئاڤای ڕاگەیاند، گەڕاندنەوەی هادی پەیوەندی بەجێبەجێکردنی چەند پرسێکی کارگێڕی و ئابوورییەوە لەلایەن بەڕێوەبەری فڕۆکەخانەی بەسرەوە هەیە.