گوتەبێژی یەكێتیی زانایان: لە هەوڵی گەڕاندنەوەی ماڵپەڕەكەمانین

ئاڤا نیوز

ماڵپەڕی فەرمیی یەكێتیی زانایانی ئایینی ئیسلامیی كوردستان هاك كراوە و گوتەبێژی یەكێتییەكەش دەڵێت لە هەوڵی گەڕاندنەوەیداین.

چیرۆكی سەرەكی: سەرلەبەیانیی ئەمڕۆ هەینی 2025-06-27، پەیجی فەرمیی یەكێتیی زانایانی ئایینی ئیسلامیی كوردستان لە فەیسبووك ئاشكرای كرد كە ماڵپەڕ (وێبسایت)ـی فەرمی یەكێتییەكە هاك كراوە.

لێدوانی فەرمی: د. عەبدوڵڵا شێركاوەیی، گوتەبێژی یەكێتیی زانایانی ئایینی ئیسلامیی كوردستان بە ئاڤا میدیای ڕاگەیاند: لەلایەن كەسانی نەناسراوەوە ماڵپەڕی فەرمیی یەكێتییەكەمان هاك كراوە. لەگەڵ ئەو كۆمپانیایەی كە ماڵپەڕەكەی بۆ دروست کردووین لە هەوڵی گەڕاندنەوەیداین و ئێستا تیمێكی تایبەت كار دەكەن و لە داهاتوودا ئەنجامەكەی ئاشكرا دەكەین.