هونەرمەندانی ڕۆژهەڵاتی کوردستان گۆرانیی بۆ ئاڤا میدیا دەڵێن؛ "نەکراوە و نەبینراوە" دەڵێنەوە

ئاڤا نیوز

بەشێک لە هونەرمەندانی ڕۆژهەڵاتی کوردستان گۆرانی بۆ ئاڤا میدیا دەڵێن و دروشمی "نەکراوە و نەبینراوە"ی کەناڵەکە بە ئاوازیی گۆرانی "بۆی دێنم لە گوڵ و گوارەی بۆ دێنم"ی هونەرمەندی گەورەی کورد مەزهەری خالیقیی دەڵێنەوە.

وێنە گەورەکە: ئاڤا میدیا و ڕۆژهەڵاتی کوردستان دوانەیەکن قەت لەیەک جیا نابنەوە، بۆیەش کۆمەڵێک لە هونەرمەندانی دیاری شاری سنەی ڕۆژهەڵاتی کوردستان، بۆ زیندووڕاگرتنی گۆرانی و میلۆدییە ڕەسەنەکانی کورد دروشمەکەی ئاڤا بەکار دەهێنن کە ئەویش بریتییە لە دروشمی "نەکراوەو نەبینراوە".

بینراو و بیستراو: هونەرمەندەکانی ڕۆژهەڵاتی کوردستان لەپاڵ وتنی ئەو گۆرانییە، ڤیدیۆشیان بۆ تۆمارکردووە و بەرهەمەکە فریاد مەجید ئابادی کاری دەرهێنانی بۆ کردووە، ئارمان مێهر پەناییش ئامادەکاریی بۆ کردووە کە دوو گەنجی ناسراوی ڕۆژهەڵاتی کوردستانن.

هونەرمەندەکان دەڵێن "نەکراوە نەبینراوە" هەر بۆ ئاڤا کراوە، لە کیلپەکەدا تەپڵ و کەمانچە و دیوان و گیتار و دەفی تێدایە و ژمارەیەک کوڕ و کچی ڕۆژهەڵاتیش کە جلوبەرگی کوردییان لەبەردایە بەشدارن، بەرهەمەکەش لە تەلاری ئەریکەی سنە تۆمار کراوە.