ڕووسیا دوای کۆنترۆڵکردنی شارێکی ئۆکراینا هەڕەشە دەکات: هەرگیز ناکەوێتەوە دەست ئۆکراینا

ئاڤا نیوز

 

پێشڕەویی هێزەکانی ڕووسیا بۆ کۆنتڕۆڵکردنی ناوچەکانی ئۆکراینا بەردەوامە، لە نوێترین هەوڵیاندا توانیان شاری لۆهانسک کۆنتڕۆڵ بکەن.

 

وێنە گەورەکە: ماوەی سێ ساڵە شەڕ لە نێوان ڕووسیا و ئۆکراینا بەردەوامە، سەرەڕای چەندین هەوڵی نێودەوڵەتی لەلایەن ئەمریکا و وڵاتانی ئەوروپاوە بەڵام تاوەکو ئێستا نەتوانراوە کۆتایی بەم شەڕە بهێنن.

 

لێدوانی فەرمی: بەرپرسانی ڕووسیا ڕایانگەیاند، "سوپای وڵاتەکەیان بە تەواوی کۆنترۆڵی شاری لۆهانسکی ڕۆژهەڵاتی ئۆکراینایان کردووە". بە ئاماژەدان بەوەی شارەکە دوو ڕۆژ پێش ئێستا کۆنترۆڵ کراوە، بەڵام ئێستا ڕایدەگەیێنن.

- دوو ڕۆژ لەمەوبەر ڕاپۆرتێکمان پێ گەیشت، کە تێیدا هاتووە سەرجەم شاری لۆهانسک 100% ئازاد کراوە.

 

ئەوەی پێویستە بیزانیت: بەرپرسانی ڕووسیا جەخت دەکەنەوە، ئێستا ئەو ناوچانە بەشێکن لە ڕووسیا و دەکەونە ژێر چەتری ئەتۆمی ئەو وڵاتە و هەرگیز ناگەڕێندرێنەوە.