لە سلێمانی بەهۆی پڕۆژەی ڕووناکی زیاتر لە 280 مۆلیدە کوژاونەتەوە

ئاڤا نیوز

 

پڕۆژەی ڕووناكی لە سلێمانی لە فراوانبووندایە، تادێت ژمارەی ئەو گەڕەکانەی کارەبایان دەبێتە 24 کاتژمێری زیاتر دەبن، هەر لەماوەی چەند ڕۆژێکدا 212 مۆلیدە لە گەڕەکەکانی سەنتەری ئەو پارێزگایە کوژێنراونەتەوە.

 

وێنە گەورەکە: پڕۆژەی ڕووناكی کە مەبەست لێی دابینکردنی کارەبای 24 کاتژمێرییە بۆ هاووڵاتیانی هەرێمی کوردستان، ئێستا پرۆژەکە گەیشتووەتە ناو سەنتەری شارەکانی هەولێر، سلێمانی و دهۆک، سەدان مۆلیدەی کوژاندووەتەوە و پرۆسەکەش لە فراوانبوونیدایە.

 

لێدوانی فەرمی: عوسمان محەممەد، سەرۆکی کۆمەڵەی مۆلیدە ئەهلییەکان لە سلێمانی بە ئاڤای گوت، "بە دوو قۆناغ 284 مۆلیدە کوژێنراونەتەوە، 312 مۆلیدە ماون، دوای دابینکردنی لۆد بۆیان و گەیشتنی پڕۆژەی ڕووناکی بە سەرجەم ناوچەکانی شاری سلێمانی، ئەوانیش دەکوژێنرێنەوە."

 

ئەمەش بزانە: بەگوێرەی دوایین ئاماری تیمی پڕۆژەی ڕووناکی، 17%ـی مۆلیدەی گەڕەکەکانی سەرانسەری هەرێمی کوردستان کوژێنراونەتەوە.