سووریا تێچووی ڤیزە بۆ هاووڵاتیانی عێراق کەم دەکاتەوە

ئاڤا نیوز

 

وەزارەتی دەرەوەی سووریا، بڵاوکراوەیەکی نوێی سەبارەت بە ڕسوماتی ڤیزەی چوونەژوورەوە بۆ ناو خاکەکەی لەڕێگەی دەروازە سنوورییەکان و فڕۆکەخانەکانەوە بڵاوکردەوە و نرخەکەشی بۆ هاووڵاتیانی عێراق کەمکردەوە.

 

چیرۆکی سەرەکی: بەپێی بڵاوکراوەیەکی وەزارەتی دەرەوەی سووریا لە سبەی یەکشەممە 6-7-2025 ـەوە نرخی ڤیزه‌ی وڵاتەکەی بۆ سەرجەم وڵاتانی جیهان گۆڕانکاری بەسەردا دێت و کاری پێدەکرێت، نرخەکەشی بۆ هاووڵاتیانی عێراق 200 دۆلار کەم دەکاتەوە.

 

ڕاگەیێنراوی فەرمی: به‌گوێره‌ی خشتە نوێکەی وەزارەتی دەرەوەی سووریا‌: تێچووی ڤیزه‌ی چوونه‌ ژووره‌وە بۆ سووریا‌ بۆ هەر گەشتییارێکی عێراقی له‌ 250 دۆلاره‌وه‌ بۆ 50 دۆلار کەم دەکاتەوە، ئەم ڤیزەیەش و بۆ ماوەی یەک مانگ لە وەرگرتنی کارا دەبێت.
 
ئەوەی پێویستە بیزانیت: تێچووی ڤیزەی چەند جارە بۆ هەر گەشتییارێکی عێراقی بۆ ماوەی 6 مانگ بە 100 دۆلار دیاری کرا. ڤیزەی ترانزێت (تێپەڕبوون بە خاکی سووریادا) لە 65 دۆلارەوە بۆ 25 دۆلار کەم کرایەوە و بۆ ماوەی 15 ڕۆژکارا دەبێت .