19 سەربازی ئیسرائیل دەکوژرێن و بریندار دەبن

ئاڤا نیوز

لە کاتی ئۆپەراسیۆنێکی هێزێکی تایبەتی سوپای ئیسرائیل لە ناوچەی بەیت حانوون لە غەززە 19 ئەندامی هێزەکە کوژران و بریندار بوون. ڕووداوەکە بەهۆی تەقینەوەی مین بووە.

وێنە گەورەکە: جەنگی نێوان ئیسرائیل و حەماس لە کەرتی غەززە بەردەوامە، ئیسرائیل هەوڵە سەربازیی و دیپلۆماسییەکانی خستۆتەگەڕ بۆ ئازادکردنی بارمتەکان، سەردانی بنیامین نەتانیاهۆ، سەرۆکوەزیرانی ئیسرائیل بۆ واشنتن لە چوارچێوەی ئەم هەوڵانەدا بوو بە ئامانجی بە‌‌هێزکردنی دۆخی تەلئەبیب لە جەنگەکەدا و زاڵبوون بەسەر ناکۆکییە ناوخۆییەکانی ئیسرائیل.

بڵاوکراوەی فەرمی: سوپای ئیسرائیل ئەنجامی لێکۆڵینەوەی سەرەتایی لەڕێگەی ڕادیۆی تایبەتی سوپاوە بڵاوکردەوە و ڕایگەیاند: ئۆپەراسیۆنەکە بۆ پاکردنەوەی ناوچەکە بوو لە چەکدارانی حەماس، بەڵام بەهۆی ئەوەی ڕێگەی سەربازەکان مین ڕێژکراو بوو.

دوای تەقینەوەی مینەکان و هەوڵدان بۆ ڕزگاردکردنی بریندارەکان، ئەو سەربازانەی ئیسرائیل لەلایەن چەکدارانی حەماس هێرشیان کراوەتەسەر، بۆیە لە ئەنجامدا پێنج سەرباز کوژراون و 14 دیکەش بریندار بوون، دۆخی تەندروستی دوو لە بریندارەکان مەترسیدارە.

زانیاریی زیاتر: هێزەکە تایبەتەکەی ئیسرائیل بەناوی یەهودایە کە سەر بە لیوای کەفیرە