درۆنێک لە سلێمانی خرایە خوارەوە

ئاڤا نیوز

درۆنێکی بۆمبڕێژکراو لە ئاسمانی سلێمانی خرایە خوارەوە بەبێ ئەوەی هیچ زیانێکی گیانی و ماددی هەبێت.

چیرۆکی سەرەکی: کاتژمێر 10:25ی ئەمشەو درۆنێکی بۆمبڕێژکراو لە فەرماندەیی یەكەی 70 لە سلێمانی خرایە خوارەوە.

لێدوانی فەرمی: لیوا ئەحمەد لەتیف، وتەبێژی هێزەكانی 70 بە ئاڤامیدیای گوت: کاتژمێر 10:25 درۆنێک هاتوووەتە سەر فەرماندەیی هێزەکانی 70 ، تەقەی لێکراوە و کەوتووەتە خوارەوە و هیچ زیانێکی گیانی و ماددی نەبووە.

باکگراوند: درەنگانی شەوی یەکی مانگ، دوو درۆنی بۆمبڕێژکراو لە ئاسمانی سلێمانی کەوتنەخوارەوە، یەکێکیان لە تاسلوجە و ئەوەی دیکە لە فەرماندەیی هێزەکانی 70 کەوتە خوارەوە.

ئەوەی پێویستە بیزانیت: لە ماوەی کەمتر لە 10 ڕۆژی ڕابردوودا هەریەک لە دەرکاری سنووری ئیدارەی سەربەخۆی زاخۆ، هەولێر و سلێمانی بە درۆنی بۆمبڕێژکراو بە ئامانج گیراون، بەشێک لە درۆنەکان هەر لە ئاسمان خراونەتە خوارەوە، هیچ کام لەو درۆنانەش زیانی گیانی نەبووە.

ئەمەش بزانە: تا ئێستا هیچ گرووپ و لایەنێک بەرپرسیارێتی خۆی لەو هێرشانە ڕانەگەیاندووە.