عێراقچی: نەتانیاهۆ نەیتوانیوە ئامانجەکانی لە ئێران بەدەستبهێنێت

ئاڤا نیوز

وەزیری دەرەوەی ئێران دووپاتی دەکاتەوە، بنیامین نەتانیاهۆ، سەرۆکوەزیرانی ئیسرائیل نەیتوانیوە ئامانجە جەنگییەکانی لەدژی ئێران بەدیبهێنێت.

وێنەگەورەکە: دوای جەنگی 12 ڕۆژەی نێوانیان، ئیسرائیل بەردەوام ئاماژە بەوە دەدات کە توانیوایانە سەرجەم ئامانجە سەربازییەکانی خۆی لە ئێران بەدەستبهێنێت، بەڵام ئێران ئەمە ڕەتدەکاتەوە و ڕایدەگەیێنێت، نەتانیاهۆ هیچ دەستکەوتێکی لەم جەنگە بەدەست نەهێناوە

لێدوانی فەرمی: عەباس عێراقچی، وەزیری دەرەوەی ئێران ڕایگەیاند: هەر زانایەکی ئێرانی کە لەلایەن ئیسرائیلەوە کوژراوە، ڕاهێنانی بە  زیاتر لە 100 قوتابی کردووە و بڕوانامەکانیان نیشانی نەتانیاهۆ دەدەن و نیشانی دەدەن کە ئێران توانای چی هەیە.

ئێمە شوێنی هەستیارمان لە ئیسرائیل بە ئامانج گرتووە کە تا ئێستاش نەتانیاهۆ چاودێری دەکات.

ئیسرائیل دەیەوێت دەستێوەردان لە دانوستانەکانمان لەگەڵ ئەمریکا بکات.

لەلایەکی دیکەوە: عێراقچی سەبارەت بە دانوستانەکانی لەگەڵ ئەمریکا ڕایگەیاند: لە وردەکاری دەستپێکردنەوەی دانوستانەکان دەکۆڵینەوە و ئەگەر دانوستان ئەنجام بدرێن ئەوا توانا سەربازییەکانمان دانوستانیان لەسەر ناکرێت.