عێراق لە سەرەتایی ساڵی 2026ـدا ستاندەری تایبەت بە ئۆتۆمبێلە هاوردەکراوەکان جێبەجێ دەکات

ئاڤا نیوز

دەزگای ناوەندیی پێوانە و کۆنتڕۆڵی جۆریی عێراق ئاشکرای دەکات، لە سەرەتای ساڵی داهاتوو "ستاندەری عێراقی" تایبەت بە ئۆتۆمبێلە هاوردەکراوەکان بەشێوەیەکی زۆرەملێیانە جێبەجێ دەکات.

ڕاگەیێنراوی فەرمی: فەیاز دلێمی، سەرۆکی دەزگای پێوانەکردن و کۆنتڕۆڵی جۆری لە ڕاگەیێنراوێکدا وتی: جێبەجێکردنی ستاندەرەکە هەموو ئەو ئۆتۆمبێلانە دەگرێتەوە کە هاوردەی عێراق دەکرێن و لە مۆدێلەکانی 2025ـەوە دەستپێدەکات.

زانیاریی زیاتر: هەنگاوەکانی دواتر بریتین لە هەماهەنگیکردن لەگەڵ ڕێکخراوی پێوانەکردنی کەنداو بۆ سوود وەرگرتن لە شارەزاییە تەکنیکیەکانی و پەرەپێدانی میکانیزمەکانی جێبەجێکردن بەپێی باشترین پراکتیزەکان، هاوکات ئەو تایبەتمەندییە بۆ هەموو ئۆتۆمبێلەکان جێبەجێ دەکرێت، جگە لە ئۆتۆمبێلی کارەبایی و هایبرێد، چونکە تایبەتمەندی تایبەت بۆیان دادەنرێت.