بزووتنەوەی حەماس هەواڵێک سەبارەت بە سەرۆکەکەی ڕەتدەکاتەوە

ئاڤا نیوز

بزووتنەوەی حەماس هەواڵێکی پەیوەندیدار بە خالید مەشعەل، سەرۆکی بزووتنەوەکە لە دەرەوەی کەرتی غەززە سەبارەت بە دانوستانەکانی ئاگربەست لەگەڵ ئیسرائیل، ڕەتدەکاتەوە.

چیرۆکی سەرەکی: لە کاتێکدا دانوستانەکانی ئاگربەست لە کەرتی غەززە لەنێوان حەماس و ئیسرائیل بە نێوەندگێڕیی چەند وڵاتێک بەڕێوەدەچن، هەواڵێک لە میدیاکان بڵاوبووەتەوە گوایە خالید مەشعەل ڕایگەیاندووە، "پەلەمان لە ئەنجامی دانوستانەکانی ئاگربەست لەگەڵ ئیسرائیل نییە"، بزووتنەوەی حەماس ئەو لێدوانانە بە درۆ دەخاتەوە.

ڕاگەیێنراوی فەرمی: بزووتنەی حەماس ڕاگەیاند: ئەوەی لە ڕێگەی هەندێک لە دەزگاکانی ڕاگەیاندن و پلاتفۆرمی سۆشیال میدیاوە بڵاوبووەتەوە سەبارەت بەو لێدوانەی خالید مەشعەل ناڕاستن و هیچ بنەمایەکی نییە و تەواوی درۆ و چەواشەکارییە.

لەلایەکی دیکەوە: ئاژانسی "فرانس-پرێس" ئاشکرای کرد دانوستانەکانی ئاگربەست کە لە دەوحە بەڕێوەدەچن، وەستاون بەهۆی پێداگری ئیسرائیل لەسەر پێشکەشکردنی نەخشەی کشانەوە کە نزیکەی 40%ـی کەرتی غەززە لەژێر کۆنترۆڵی سەربازیی خۆیدا دەهێڵێتەوە.