سەرۆکی فەڵەستین: نابێت حەماس لە غەززە دەسەڵاتدار بێت

ئاڤا نیوز

مەحموود عەباس، سەرۆکی فەلەستین جەختی لەوە کردەوە کە حەماس دوای ئاگربەست حوکمڕانی کەرتی غەززە ناکات.

وێنە گەورەکە: هەوڵە نێودەوڵەتییەکان بەردەوامن بۆ گەیشتن بە ڕێککەوتنی ئاگربەست لە کەرتی غەززە و ئازادکردنی سەرجەم بارمتەکان، پەیوەست بەم بابەتەوە سەرۆکی فەڵەستین دەڵێت، دوای بەدیهاتنی ئاگربەست و ڕاگرتنی شەڕ لە کەرتی غەززە نابێت حەماس دەسەڵاتدار بێت.

لێدوانی فەرمی: مەحـموود عەباس، سەرۆکی فەڵەستین لە کۆبوونەوەی لەگەڵ تۆنی بلێر، سەرۆکوەزیرانی پێشووی بەریتانیا ڕایگەیاند: هەر لە ڕۆژی دوای ڕاگەیاندنی ئاگربەست لە کەرتی غەززە دەبێت بزووتنەوەی حەماس چەکەکانی ڕادەستی دەسەڵاتی فەڵەستین بکات.

زانیاریی زیاتر: عەباس جەختی لەسەر پێویستی گەیشتن بە ئاگربەستێکی دەستبەجێ و ئازادکردنی هەموو بارمتە و زیندانییەکان و دڵنیابوون لە چوونە ناوەوەی  یارمەتییە مرۆییەکان بۆ ناو کەرتی غەززە و کشانەوەی هێزەکانی ئیسرائیل کردووە.