دوایین وادە بۆ بە ئەلیکترۆنیکردنی پسوولەی خۆراک دیاری کرا

ئاڤا نیوز

هاونیشتمانیانی کوردستان ئاگادار دەکرێنەوە، تا لە زووترین کاتدا پسوولەی خۆراکیان بە ئەلیکترۆنی بکەن.

وێنە گەورەکە: چەند مانگێکە پرۆسەی بە ئەلیكترۆنیكردنی پسوولەی خۆراك دەستی پێكردووە و سەرەتاش لە پارێزگای واست 100% كارەكانی تەواو بوون و سەركەوتوو بوو، ئێستا كۆمپانیای جێبەجێكار ئەزموونەكە لە شەش پارێزگای دیكەی عێراق جێبەجێ دەكات، هەولێریش یەكێكە لەو پارێزگایانە.

لێدوانی فەرمی: سیامەند قادر، بەڕێوەبەری ڕێکخستنی پسوولەی خۆراکی هەولێر، بە ئاڤا میدیای ڕاگەیاند: 1-8-2025، دوایین وادەیە بۆ بە ئەلیکترۆنیکردنی پسولەی خۆراک و نوێ ناکرێتەوە، داوا لە هاونیشتمانیان دەکەین، کە لە زووترین کاتدا فۆرمی خۆراکیان بە ئەلیکترۆنی بکەن.

لە کاتی دروستبوونی گرفت هاووڵاتیان دەتوانن پەیوەندی بە بەڕێوەبەرایەتی ڕێکخستنی پسوولەی خۆراک لەڕێگەی ئەم ژمارانەوە بکەن، (07507431402)، (07507454821).

- 140 جیابوونەوە 'تەڵاق'، 120 خاوەن پێداویستی تایبەت، 142 حاڵەتی نەخوێندنەوەی ڕووخسار، 123 حاڵەتی سڕینەوەی بە هەڵە لە هەولێر هەیە، بۆ ئەمانەش نووسراو ئاراستەی بەغدا کراوە، بۆ ئەوەی کێشەکەیان بۆ چارەسەر بکرێت.

- ڕێژەی بەشداریکردن لە شارەکان بەم جۆرەیە:

هەڵەبجە 83%

هەولێر 78%

سلێمانی74%

دهۆک 67%