قۆناغی دووەمی پڕۆژەی فریاگوزاریی خێرایی ئاوی هەولێر دەستپێدەکات

ئاڤا نیوز

قۆناغی یەکەمی پڕۆژەی فریاگوزاریی خێرایی ئاوی هەولێر تەواو بووە، 20 گەڕەکی شاری هەولێر بەشێوەی ئەزموونی ئاویان پێگەیشتووە، تاوەکو ڕۆژی پێنجشەممە هەموو ئەو گەڕەکانەی ماون لە قۆناغی یەکەم ئاوییان پێدەگات.

وێنە گەورەکە: پڕۆژەی فریاگوزاریی خێرای ئاوی هەولێر یەکێکە لە پڕۆژە ستراتیژیەکانی کابینەی نۆیەم، ئامانج لێی ئەوەیە تا 30 ساڵی داهاتوو شاری هەولێر کێشەی ئاوی خواردنەوەی نەمێنێت و بڕیارە بە تەواو بوونی هەزار بیری ئاوی خواردنەوە بە یەکجاری دابخرێن.

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان بە ئاڤای گوت، "سەرەتای قۆناغی دووەم لە مانگی 11 دەست پێدەکات و کۆتایی مانگی 12 تەواو دەبێت، مەراسیمی کردنەوەی پرۆژەکە دەکرێت."

ئەوەی پێویستە بیزانیت: ئه‌و گه‌ڕه‌ك و شوێنانەی ئاوییان پێگەیشتووە بریتین لە له‌ تووڕەق، مامزاوا، سەرکارێز، قەتەوی، میرزا ئەحمەد، نازماوە، گردمحه‌مه‌د، ژیان، قەرەبووی ژیان، گردەڕەشە، قەرەبووی تۆبزاوا، ئاسوودە، ڕۆشنبیری، فەرمانبەران، زیلان، 5ی حسارۆك، گەلاوێژ، هاوکاری، بێرکۆتی نوێ.