ئەنجوومەنی وەزیرانی کوردستان لەبارەی مووچە و هەناردەی نەوت کۆدەبێتەوە

ئاڤا نیوز

بڕیارە ئەنجوومەنی وەزیرانی هەرێمی کوردستان کۆببێتەوە و چەند تەوەرێکی گرنگ و پەیوەندیدار بە مووچە و هەناردەی نەوت تاوتوێ بکات.

وێنە گەورەکە: ڕۆژانی چوارشەممەی هەموو هەفتەیەك كۆبوونەوەی ئەنجوومەنی وەزیرانی هەرێمی كوردستان هەیە، کۆبوونەوەی سبەی تایبەت دەبێت بە بارودۆخی دارایی هەرێمی کوردستان و کێشەکانی نێوان هەولێر و بەغدا.

زانیاری تایبەت: سەرچاوەیەکی باڵا لە حکومەتی هەرێمی کوردستان بە ئاڤا میدیای ڕاگەیاند: ڕۆژی چوارشەممە 16-7-2025، ئەنجوومەنی وەزیرانی هەرێمی کوردستان کۆبوونەوەی هەفتانەی خۆی دەکات.

زانیاریی زیاتر: کارنامەی کۆبوونەوەکە تایبەتە، بە بارودۆخی دارایی هەرێمی کوردستان، هەروەها ڕێڕەوی دانووستان و گفتوگۆکان لەگەڵ حکومەتی فیدراڵ، هاوکات پێشهاتەکانی تایبەت بە مووچە و هەناردەکردنەوەی نەوتی هەرێم.

ئەوەی پێویستە بیزانیت: لەلایەن هەر یەک لە ئاوات شێخ جەناب، وەزیری دارایی و ئابووری، کەمال محەممەد، وەزیری سامانە سرووشتییەکان بە وەکالەت، ئەندامانی شاندی دانووستانکاری هەرێم بابەتەکان بۆ ئەنجوومەنی وەزیران دەخرێنە ڕوو.