سەرۆک بارزانی بۆ یانەکانی دهۆک و زاخۆ: گەیشتنتان بۆ یاری کۆتایی سەرکەوتنی کوردستانە

ئاڤا نیوز

 

سەرۆک بارزانی، پیرۆزبایی لە هەردوو یانەی دهۆک و زاخۆ دەکات و دەڵێت: گەیشتنتان بە یاریی کۆتایی جامی عێراق سەرکەوتنی کوردستان بوو.

 

وێنە گەورەکە: شەوی هەینی ڕێککەوتنی 18ـی 7ـی 2025، کاتژمێر: 8:00 لە یاریگای شەعب لە بەغدا هەردوو یانەی دهۆک و زاخۆ لە یاری کۆتایی جامی عێراق ڕووبەڕووی یەکدی بوونەوە، یانەی دهۆک توانی بە لێدانی یەکلاکەرەوە ببێتە پاڵەوان و جامەکە بەدەست بهێنێت.

 

لێدوانی فەرمی: سەرۆک بارزانی لەبارەی یارییەکەی هەردوو یانە کوردستانییەکە پەیامێکی بڵاوکردەوە، جگە لە پیرۆزبایی بۆ ئەو سەرکەوتنەی بە دەستیانهێناوە، سەرۆک بارزانی گوتی: گەیشتنی هەردوو یانەی دهۆک و زاخۆ بە یاری کۆتایی جێگای دەستخۆشییە و سەرکەوتنی کوردستانە.

 

لەلایەکی دیکە: لە پەیامێکدا سەرۆکوەزیران مەسرور بارزانی ڕایگەیاند: پیرۆزبایی لە هەردوو یانەی دهۆک و زاخۆ دەکەم بۆ بەدەستهێنانی پلەکانی یەکەم و دووەم لە جامی عێراق، هیوای سەرکەوتنی بەردەوام بۆ هەردوو یانە دەخوازم، گرنگ ئەوەیە کوردستان سەرکەوت.