ڕووسیا لەبارەی ئاگربەست وەڵامی پێشنیازی ئۆکراینا دەداتەوە

ئاڤا نیوز


دوای ئەوەی ئۆکراینا پێشنیازی دووبارە دەستپێکردنەوەی دانوستانەکانی ئاشتی لەگەڵ مۆسکۆ کرد، ڕووسیا وەڵامی پێشنیازەکە دەداتەوە و دەڵێت: جاری هیچ وادەیەک دیاری نەکراوە.


چیرۆکی سەرەکی: ئۆکراینا بۆ کۆتاییهێنان بە جەنگ پێشنیازی گەڕێکی دیکەی دانوستانی ئاشتی کردووە لەگەڵ ڕووسیا بۆ هەفتەی داهاتوو، ئەمەش دوای ئەوەی دانوستانەکان لە سەرەتای مانگی شەشەوە ڕاگیراون، تاوەکو ئێستا هەردوولایەن تەنیا دوو گەڕی دانوستانیان بە نێوەندگیری تورکیا ئەنجامداوە.

زانیاریی بەدەستهاتوو: ئاژانسی تاس لەزاری سەرچاوەیەکی باڵای ڕووسیا ئاشکرای دەکات، تاوەکو ئێستا هیچ وادەیەک بۆ خولی نوێی دانوستانەکانی نێوان ڕووسیا و ئۆکراینا دیاری نەکراوە.

کاریگەری و لێکەوتەکان: دوای ئەوەی هەوڵەکانی ئەمریکا بۆ ڕاگرتنی جەنگی نێوان کێیڤ و مۆسکۆ دەرئەنجامێکی بەرچاویان بەدەست نەهێنا، دۆناڵد ترەمپ، سەرۆکی ئەمریکا 50 ڕۆژ مۆڵەتی بە ڕووسیا دا بۆ ئەوەی لەگەڵ ئۆکراینا بگاتە ڕێککەوتن

ئەوەی لەبارەیەوە دەگوترێت: ئەم پێشنازەی ئۆکراینا دوای ئەوە دێت کە هەفتەی ڕابردوو  کیس کیلۆگ، نێردەی تایبەتی ئەمریکا سەردانی ئۆکراینای کرد بۆیە هەندێک لەسەرچاوەکان دەڵێن ئەمریکا و ئۆکراینا هەماهەنگیان کردووە