لە هەفتەی داهاتوو نزیکەی پێنج هەزار زەوی دیکە لە هەولێر دابەشدەکرێت

ئاڤا نیوز

بڕیارە هەفتەی داهاتوو لە دوو شارەوانی سنووری پارێزگای هەولێر نزیکەی پێنج هەزار پارچە زەوی دیکە بەسەر فەرمانبەران دابەشبکرێت.

چیرۆکی سەرەکی: پرۆسەی دابەشکردنی زەوی بەسەر فەرمانبەران بەردەوامە، لە ماوەی هەفتەی ڕابردوو هەزاران پارچە زەوی بەسەر فەرمانبەران دابەشکراوە، بڕیارە هەفتەی داهاتووش ژمارەیەکی دیکەی پارچە زەوی لە دوو شارەوانی هەولێر بەسەر فەرمانبەران دابەشبکرێت.

لێدوانی فەرمی: مەریوان حاکم هادی، بەڕێوەبەری گشتیی شارەوانییەکانی هەولێر، بە ئاڤا میدیای ڕاگەیاند، بڕیارە هەفتەی داهاتوو لە هەردوو  شارەوانی دارەشەکران و قوشتەپە، زەوی بەسەر فەرمانبەران دابەش بکرێت.

زانیاریی زیاتر: لە هەردوو شارەوانیەکدا نزیکەی پێنج هەزار پارچە زەوی بەسەر ئەو فەرمانبەرانە دابەش دەكرێت كە ڕەزامەندی ئەنجوومەنی وەزیرانیان هەیە و كارتی زانیارییان دەرووبەری شارە.

ئەمەش بزانە: بەپێی زانیارییەکان لە قەزای قوشتەپە هەزار و 509 پارچە زەوی دابەشدەکرێت، بۆ کارمەندان و هێزەکانی ناوخۆ، هێزەکانی پێشمەرگە و فەرمانبەران، زیاتر لە سێ هەزار پارچە زەویش لە سنووری شارەوانی دارەشەکران دابەشدەکرێت.